Guddi Farsamo Oo Somaliland U Matalaysa Wada-hadalada Soomaaliya Iyo An-babaxoodda Turkiga Ee Maanta
Hargeysa,
Somaliland, April 08, 2013, (Saxafi) - Guddida Farsamada (Technical
committee) ee Somaliland u matalaya wada-hadalada ay Soomaaliya la yeelanayso
ayaa maanta u baxaya dalka Turkiga oo wadda hadalkaasi ka bilaabmayo maalinta
sabtida ah ee bishan aynu ku jirnaa tahay 13, April 2013.
Guddigan
farsamo oo ka kooban shan xubnood, ayaa waxaa ay kala yihiin Wasiirka Arrimaha
Dibadda, Maxamed Cabdillaahi Cumar, Wasiirka Madaxtooyada, Xirsi Cali X. Xasan
Wasiirka Arrimaha Bulshada iyo Shaqada Maxamuud Axmed Garraad, Guddoomiyaha
Xisbiga UCID, Faysal Cali Waraabe Guddoomiye ku-xigeenka Koowaad ee Golaha
Wakiillada Baashe Maxamed Faarax.
Guddigan oo
madaxweyne Siilaanyo magacaabay ayaa waxaa ay wadda-hadal la gali doonaan sida
qorshuhu yahay guddi ka socota Soomaaliya. Iyaddoo gabagabadda ama natiijadda
labada dhinac iyo waxaa ay isla gaadhaan ay markaa ka dib saxeexi doonaan
Labada Madaxweyne ee Somaliland Axmed Maxamed Maxamuud (Siilaanyo) iyo
Soomaaliya Xassan Sheekh Maxamuud oo qudhooddu isugu imman doona kulan
madaxeed.
Qodobada
laga wadda-hadli doono ayaa wararku sheegayaan inay yihiin go’aamadii hore
loogu gaadhay shirarkii labada dhinac ku dhexmaray Ingiriiska iyo Imaaraadka,
kuwaas oo uu ugu muhiimsanaa xidhiidhka
mustaqbalka Somaliland iyo Soomaaliya.
Comments
Post a Comment